Առողջապահական և աշխատանքի 
տեսչական մարմին

Հայաստանի Հանրապետության
առողջապահական եվ աշխատանքի տեսչական մարմին

ՀՀ առողջապահական եվ աշխատանքի 
տեսչական մարմին

MapArmenianՀայ

Կայքէջը գտնվում է կառուցման փուլում:
Հարգանքով, կայքի աշխատակազմ

 Մենյու

Նորություններ



Էջ  

25, մայիս 2020

Կասեցվել է մերսման սրահի գործունությունը

Առողջապահական և աշխատանքի տեսչական մարմնի մշտադիտարկմամբ անվտանգության կանոնների խախտումներ են արձանագրվել «Կարինե Ղազարյան» ԱՁ (Պարոնյան 11) մերսման սրահում։

Այստեղ բացակայել են ախտահանիչները, այցելուի այցից հետո արտաքին շփման մակերեսների պատշաճ ախտահանում չի իրականացվել։

Ի թիվս այլ խախտումների՝ թերի են եղել նաև ջերմաչափման գործընթացը և գրանցամատյանները, աշխատողներն ընդմիջման ժամին լքել են տարածքը և այլն։

Այսպիսով, խախտվել են ՀՀ պարետի սահմանած անվտանգության կանոնները, ինչի հիմքով և տնտեսվարողի գործունեությունը 24 ժամով կասեցվել է։

Մանրամասն ➜


24, մայիս 2020

Վարչապետը՝ անվտանգության կանոնները չպահող տնտեսվարողների մասին

Պարետի որոշմամբ սահմանված անվտանգության կանոնները չպահող տնտեսվարողների եւ հատկապես կրկնակի խախտումներ անողների հանդեպ վարչական պատասխանատվությունը խստացվելու է։ Նիկոլ Փաշինյանն իր ֆեյսբուքյան ուղիղ եթերի ընթացքում շեշտել է՝ այն սրճարանները, բանկերը, արտադրությունները, վարսավիրանոցները եւ այլն, որոնք անվտանգության կանոնները չեն պահում, խստորեն փակվելու են։

Մանրամասն ➜

23, մայիս 2020

24-ժամյա կասեցում՝ բժշկական կենտրոնների հանդեպ

ՀՀ առողջապահական և աշխատանքի տեսչական մարմնի լայնածավալ մշտադիտարկումների արդյունքում արձանագրված խախտումների հիմքով՝ գործունեության կասեցման որոշումներ են կայացվել նաև Երևանում գործող բժշկական կենտրոնների հանդեպ։

24 ժամով արգելվել է նոր անձանց (այցելուների և հիվանդների) ընդունումը և սպասարկումը, բացառությամբ՝ անհետաձգելի բժշկական օգնություն պահանջող դեպքերի: Կարգադրվել է ձեռնարկել միջոցներ արձանագրված խախտումներն անհապաղ վերացնելու ուղղությամբ։

Մանրամասն ➜

23, մայիս 2020

ՀՀ սահմանային անցման բոլոր կետերում երկիր մուտք գործող բոլոր ուղևորները ստանում են անհատական պաշտպանության միջոցներ

Պարետի որոշման համաձայն` ՀՀ սահմանային անցման բոլոր կետերում երկիր մուտք գործող բոլոր ուղևորները ստանում են անհատական պաշտպանության միջոցներ` նոր դիմակներ և ձեռնոցներ ՀՀ առողջապահական եւ աշխատանքի տեսչական մարմնի կողմից։

Տեսչական մարմնի մասնագիտական թիմերը դիմավորում են երկիր մուտք գործող յուրաքանչյուր անձի` ջերմաչափելով եւ կասկածելի ախտանշանների արտաքին զննում իրականացնելով։

Մանրամասն ➜


22, մայիս 2020

Ինքնամեկուսացման և սահմանային անցման գործընթացների կազմակերպում

Ինքնամեկուսացման և սահմանային անցման գործընթացների կազմակերպման նպատակով՝ Առողջապահական և աշխատանքի տեսչական մարմնի սահմանային ՍԲՀԿ-ների աշխատակիցների կողմից իրականացվում է ՀՀ ժամանող անձանց հատուկ զննությունը՝ հեռահար ջերմաչափումը, արտաքին զննությունը, վարակին բնորոշ կլինիկական ախտանիշների դեպքում լրացուցիչ հարցումները, ապահովել արձանագրված ախտանշանների առկայության դեպքում,այդ թվում 37 աստիճան և բարձր ջերմության, անձի անհապաղ հոսպիտալացումը ՍԲՀԿ-ից և ԱՆ շտապ հաղորդման տրամադրումը՝ հոսպիտալացումից հետո ոչ ուշ քան տասներկու ժամվա ընթացքում։

Մանրամասն ➜


22, մայիս 2020

ԱԱՏՄ արձանագրած խախտումների հիմքով ժամանակավորապես կասեցվել է ընդհանուր առմամբ շուրջ 580 տնտեսվարողի գործունեությունը

ՀՀ առողջապահական և աշխատանքի տեսչական մարմնի Երևանի և մարզային ստորաբաժանումները շարունակում են վերահսկողական լայնածավալ աշխատանքները։

Մշտադիտարկվում է տնտեսվարողների մոտ կորոնավիրուսի (Covid19) տարածումը կանխարգելելուն ուղղված՝ ՀՀ պարետի հաստատած անվտանգության կանոնների պահպանումը։

Դիտարկվում են թե խոշոր տնտեսվարողներ` սուպերմարկետների ցանցերի մասնաճյուղեր, արտադրություն, շինարարություն, թե փոքր օբյեկտներ` դեղատներ, վարսավիրանոցներ, ատամնաբուժարաններ և այլն։

Մանրամասն ➜

22, մայիս 2020

Նոր կանոններ՝ ՀՀ ժամանողների եւ վարակակրի հետ շփում ունեցած անձանց համար

«ՀՀ մուտք գործելիս և ՀՀ վարչական սահմաններում կիրառվող սահմանափակումների վերաբերյալ» Պարետի N 5 որոշումը փոփոխվել է։ Մասնավորապես, սահմանվել է․

❗️ ՀՀ ողջ տարածքում ինքնամեկուսացման պահանջ է սահմանվում արտերկրից ՀՀ ժամանող անձանց, ինչպես նաև COVID-19 վարակակիր անձի հետ համատեղ ապրող անձանց կամ նրա հետ սերտ շփում ունեցած կոնտակտավորների համար։

Մանրամասն ➜

21, մայիս 2020

ՀՀ առողջապահական եւ աշխատանքի տեսչական մարմնի պետի տեղակալ Սուրեն Ամիրյանի ու օգնական Աշոտ Ասատրյանի աշխատանքային այցը ԱԱՏՄ Մեղրիի սահմանային բժշկասանիտարական հսկիչ կետ

ՀՀ առողջապահական եւ աշխատանքի տեսչական մարմնի պետի հանձնարարականով` պետի նորանշանակ տեղակալ Սուրեն Ամիրյանն ու օգնական Աշոտ Ասատրյանն աշխատանքային այց են կատարել ԱԱՏՄ Մեղրիի սահմանային բժշկասանիտարական հսկիչ կետ։

Ամիրյանը ծանոթացել է հսկիչ կետի տեղակայման նոր վայրում աշխատանքների ընթացքին, տեխնիկական կարգավորում պահանջող հարցերին։

Մանրամասն ➜

20, մայիս 2020

Պարետի որոշմամբ՝ կասեցվել է եւս 47 տնտեսվարողի գործունեությունը Երեւանում եւ մարզերում

Պարետի որոշմամբ՝ կասեցվել է եւս 47 տնտեսվարողի գործունեությունը Երեւանում եւ մարզերում։ ՀՀ առողջապահական եւ աշխատանքի տեսչական մարմնի դիտարկումներն այս տնտեսվարող սուբյեկտների մոտ արձանագրել են կորոնավիրուսի (Covid19) տարածումը կանխարգելելու նպատակով Պարետի կողմից հաստատված անվտանգության կանոնների խախտումներ:

Տնտեսվարողի գործունեությունը կասեցված է համարվում այն պահից, երբ ՀՀ առողջապահական եւ աշխատանքի տեսչական մարմնի ներկայացուցիչները ոստիկանների ուղեկցությամբ մոտենում եւ ծանուցման թերթիկի միջոցով տեղեկացնում են պարետի որոշումը։

Մանրամասն ➜

16, մայիս 2020

Իրազեկման և մշտադիտարկման աշխատանք` հազարավոր տնտեսվարողների հետ

✅ Իրազեկման աշխատանք` հազարավոր տնտեսվարողների հետ։

✅ Մշտադիտարկման աշխատանք` շուրջ 2500 տնտեսվարողի մոտ։

✅ Գործունեության ժամանակավոր կասեցում է կիրառվել Երեւանի եւ մարզերի շուրջ 500 տնտեսվարողի հանդեպ` արձանագրված խախտումների հիմքով։

Մանրամասն ➜

16, մայիս 2020

Հուլիսի 1-ից կգործի դեղի կասկածելի լինելը հեռախոսով անմիջապես պարզելու համակարգը

2020 թ․ հուլիսի 1-ից հնարավոր կլինի, դեղն առանց լրացուցիչ փորձաքննության ուղարկելու, պարզապես «Tax Stamp» բջջային հավելվածի միջոցով հեռախոսով սկանավորել դեղատուփի վրա փակցված QR կոդը և պարզել վաճառվող դեղի հավաստագրված և անվտանգ լինելը։

Մանրամասն ➜

15, մայիս 2020

Մայիսի 18-ից ուժի մեջ են մտնելու արտակարգ դրության ընթացքում կիրառվող սահմանափակումներում մի շարք փոփոխություններ

ՀՀ պարետի մայիսի 14-ի N 74 նոր որոշմամբ մայիսի 18-ից ուժի մեջ են մտնելու արտակարգ դրության ընթացքում կիրառվող սահմանափակումներում մի շարք փոփոխություններ։

Մասնավորապես.

Մանրամասն ➜

14, մայիս 2020

Տնտեսական սահմանափակումների վերաբերյալ մեկ օրում երկու որոշում է կայացվել ՀՀ պարետի կողմից

Պարետի որոշմամբ` այսօր 132 ընկերության գործունեություն ժամանակավորապես կասեցվել է: Մշտադիտարկումներն արվել են սուպերմարկետների խոշոր ցանցերի մասնաճյուղերում, խանութներում, գեղեցկության սրահներում եւ այլն:

ՀՀ պարետ Տիգրան Ավինյանի այսօրվա մեկ այլ որոշմամբ՝ 24 ժամով արգելվել է ևս 45 տնտեսվարողի պատկանող մասնաճյուղերի աշխատանքը:

Մանրամասն ➜

13, մայիս 2020

ՀՀ ԱԱՏՄ «Բագրատաշենի» բժշկասանիտարական հսկիչ կետի պետ Թամարա Գուրգենյանը պարգեւատրվել է ՀՀ ԱԱԾ պատվոգրով

ՀՀ առողջապահական եւ աշխատանքի տեսչական մարմնի "Բագրատաշենի" բժշկասանիտարական հսկիչ կետի պետ Թամարա Գուրգենյանը ՀՀ Սահմանապահի օրվա կապակցությամբ եւ ՀՀ պետական սահմանի պահպանության գործում Ազգային անվտանգության ծառայության սահմանապահ զորքերի հետ սերտ համագործակցության համար պարգեւատրվել է ՀՀ ԱԱԾ պատվոգրով։

Հունվարի 24-ից ԱԱՏՄ սահմանային բժշկասանիտարական հսկիչ կետերն անցել են ուժեղացված աշխատանքային ռեժիմի։ Մինչ օրս ջերմաչափում եւ վարակիչ հիվանդություններին բնորոշ ախտանիշերի արտաքին զննում է անցնում ՀՀ մուտք գործող յուրաքանչյուր անձ։ Հասցեական քարտեր են լրացվում բոլորի համար։

Մանրամասն ➜

11, մայիս 2020

Վերջին օրերին կտրուկ ավելացել է ժամանակավոր կասեցման ենթարկվող տնտեսվարողների թիվը` հասնելով շուրջ 260-ի

Վերջին օրերին կտրուկ ավելացել է ժամանակավոր կասեցման ենթարկվող տնտեսվարողների թիվը` հասնելով շուրջ 260-ի։ Դրանց թվում են սուպերմարկետների խոշոր ցանցերի մասնաճյուղեր, խանութներ, գեղեցկության սրահներ եւ այլն։

Պարետի նոր որոշմամբ` այսօր ևս 52 ընկերության գործունեության ծավալումն է ժամանակավորապես կասեցվել, քանի որ Առողջապահական եւ աշխատանքի տեսչական մարմնի մշտադիտարկումները բազմաթիվ խախտումներ են արձանագրել։ Դիտարկվում են գործելու թույլտվություն ունեցող բոլոր ոլորտները։

Մանրամասն ➜

11, մայիս 2020

Ո՞ր պահից է արգելվում տնտեսվարողի գործունեությունը, երբ առկա է պարետի որոշումը

ՀՀ պարետի որոշմամբ` տնտեսվարողի գործունեությունը ժամանակավոր կասեցվում է տեղեկացման պահից, երբ ՀՀ առողջապահական եւ աշխատանքի տեսչական մարմնի ներկայացուցիչը ներկայացնում է տեղեկացման թերթիկ։

Հայաստանի Հանրապետության առողջապահական և աշխատանքի տեսչական մարմնի ղեկավար Հակոբ Ավագյանը պետք է ապահովի այս որոշման մասին տեղեկացումը, ՀՀ ոստիկանության պետ Արման Սարգսյանն ապահովի պահանջների կատարման նկատմամբ ամբողջական վերահսկողությունը։

Մանրամասն ➜

10, մայիս 2020

Գործունեության կասեցում՝ միանգամից 90 տնտեսվարողի հանդեպ

ՀՀ պարետի թիվ 70 որոշմամբ՝ 24 ժամով գործունեության ժամանակավոր կասեցում է կիրառվել մարզերում եւ մայրաքաղաքում գործող 90 տնտեսվարողի հանդեպ, այդ թվում՝ դեղատներ, սուպերմակետների խոշոր ցանցերի մասնաճյուղեր, խմիչքի արտադրություններ, խանութներ, տեխնիկայի վաճառք։ https://www.gov.am/files/docs/4045.pdf

Մանրամասն ➜

09, մայիս 2020

Մայիսի 9-ին Հայրենական մեծ պատերազմի հաղթանակի 75–ամյակն է։

Հայրենական մեծ պատերազմին մասնակցել է շուրջ 600.000 հայ, որոնց կեսը՝ 314.000, չի վերադարձել ռազմաճակատից։

118 հայեր և Հայաստանի բնակիչներ արժանացել են Խորհրդային Միության հերոսի բարձրագույն կոչմանը, իսկ Նելսոն Ստեփանյանը և Հովհաննես Բաղրամյանն այդ կոչմանն արժանացել են երկու անգամ:

70 հազարից ավելի հայ զինվոր պարգևատրվել է ԽՍՀՄ շքանշաններով և մեդալներով։

Մանրամասն ➜

08, մայիս 2020

Արտագնա ժողով` քննարկելու ուժեղացված վերահսկողական աշխատանքների

Առողջապահական եւ աշխատանքի տեսչական մարմնի Հարավային տարածքային կենտրոնում անցկացվել է արտագնա աշխատանքային հանդիպում։

ԱԱՏՄ ղեկավար Հակոբ Ավագյանի գլխավորությամբ, կառուցվածքային եւ տարածքային ստորաբաժանումների ղեկավարների մասնակցությամբ քննարկվել է հանրապետությունով մեկ իրականացվող իրազեկման եւ մշտադիտարկման լայնածավալ աշխատանքների ընթացքը։

ԱԱՏՄ ղեկավարը շեշտել է առկա ռեսուրսով աշխատանքներն առավելագույն արդյունավետությամբ կազմակերպելու կարեւորությունը։

Մանրամասն ➜

08, մայիս 2020

Պարետի որոշմամբ` շուրջ երեք տասնյակ տնտեսվարողի հանդեպ կայացվել է գործունեության ժամանակավոր կասեցման որոշում

Պարետի թիվ 69 որոշմամբ` շուրջ երեք տասնյակ տնտեսվարողի հանդեպ կայացվել է գործունեության ժամանակավոր կասեցման որոշում` հիմք ընդունելով ԱԱՏՄ լայնածավալ մշտադիտարկման արդյունքում արձանագրված խախտումները։

Ղեկավարվելով «Հայաստանի Հանրապետությունում արտակարգ դրություն հայտարարելու մասին» Հայաստանի Հանրապետության կառավարության 2020 թվականի մարտի 16-ի №298-Ն որոշման 2-րդ, 6-րդ և 7-րդ կետերով և որոշման հավելվածի 20-րդ կետով

Մանրամասն ➜

07, մայիս 2020

ԱԱՏՄ Երեւանի եւ մարզային ստորաբաժանումները շարունակում են իրազեկման եւ մշտադիտարկման լայնածավալ աշխատանքները

ԱԱՏՄ տեսուչները տնտեսվարողներին իրազեկում են, որ, հիմք ընդունելով Հայաստանի Հանրապետությունում արտակարգ դրություն հայտարարելու մասին ՀՀ կառավարության 16.03.2020թ.-ի № 298-Ն որոշումը, Պարետի 2020 թվականի մայիսի 3-ի № 63 եւ № 65 որոշումներով սահմանվել են Որոշման Հավելված 1-ով ժամանակավորապես չսահմանափակված (թույլատրված) տնտեսական գործունության տեսակներով զբաղվելու կանոնները՝ նպատակ ունենալով կանխարգելել տնտեսվարող սուբյեկտների գործունեության ընթացքում կորոնավիրուսային հիվանդության (COVID-19) տարածումը։

Մանրամասն ➜

06, մայիս 2020

ԱԱՏՄ՝ կորոնավիրուսով վարակված երկու աշխատակցի վիճակը լավ է, նրանք արդեն առողջ են

Առողջապահական և աշխատանքի տեսչական մարմնի՝ կորոնավիրուսով վարակված երկու աշխատակցի վիճակը լավ է, նրանք արդեն առողջ են: Նոր վարակակիրներ և մեկուսացվածներ տեսչականը, բարեբախտաբար, չունի, իսկ ռիսկային խմբում գտնվող աշխատակիցները հեռավար են աշխատում:

Ինչ վերաբերում է ԱԱՏՄ-ում կադրային փոփոխություններին, ապա դրանք պայմանավորված են հաստիքների առկայությամբ: Հաշվի առնելով ծանր ռեժիմով աշխատանքը, Տեսչականի կողմից առաջարկ է եղել կառավարման խորհրդին, որպեսզի էլեկտրոնային քվեարկությամբ թեկնածուներին հավանության արժանացնեն, որից հետո էլ ներկայացվել են ՀՀ վարչապետին` նշանակման։

Մանրամասն ➜

06, մայիս 2020

ՀՀ նախագահը ստորագրել է աշխատանքային օրենսգրքում լրացումներ և փոփոխություններ կատարելու մասին օրենքների փաթեթը

Հանրապետության նախագահ Արմեն Սարգսյանը մայիսի 5-ին ստորագրել է Հայաստանի Հանրապետության աշխատանքային օրենսգրքում լրացումներ և փոփոխություններ կատարելու մասին, Վարչական իրավախախտումների վերաբերյալ Հայաստանի Հանրապետության օրենսգրքում լրացում կատարելու մասին օրենքների փաթեթը:

Մանրամասն ➜

05, մայիս 2020

Տնտեսական սահմանափակումները թուլացնելուց մեկ օր անց կան խախտումներ թույլ տված ընկերություններ

Խախտումների բացահայտման ուղղությամբ մշտադիտարկում է իրականացվում ողջ հանրապետությունում։

Թեժ գծով ստացված զանգերը վկայում են, որ քաղաքացիները եւս նկատել են այդպիսիք։ ԱԱՏՄ-ն ուժեղացված վերահսկողական աշխատանքներին զուգահեռ ուժեղացրել է նաև Թեժ գիծ ծառայությունը: Թեժ գծով ստացված բողոքները հիմք են հանդիսանում դրանց հետքերով գնալու համար:

Մանրամասն ➜

05, մայիս 2020

ԱԱՏՄ ղեկավարի երկու նոր տեղակալ են նշանակվել

Ղեկավարվելով «Տեսչական մարմինների մասին» Հայաստանի Հանրապետության օրենքի 8-րդ հոդվածի 4-րդ մասով՝ ՀՀ վարչապետի որոշմամբ`

Սուրեն Ամիրյանը եւ Գոհար Դարբինյանը նշանակվել են ՀՀ առողջապահական և աշխատանքի տեսչական մարմնի ղեկավարի տեղակալ։

Մանրամասն ➜

04, մայիս 2020

Սահմանվել են առեւտրի օբյեկտների գործունեության ընթացքում կորոնավիրուսի տարածման կանխարգելման անվտանգության կանոնները

ՀՀ պարետի որոշմամբ՝ սահմանվել են մեծածախ եւ մանրածախ առեւտրի օբյեկտների գործունեության ընթացքում կորոնավիրուսի տարածման կանխարգելման անվտանգության կանոնները։ https://bit.ly/2ypfPvj

Ըստ այդմ, մասնավորապես, անհրաժեշտ է

Մանրամասն ➜

04, մայիս 2020

Անվտանգության ի՞նչ կանոններ պետք է պահպանվեն մայիսի 4-ից աշխատելու թույլտվություն ունեցող կազմակերպություններում

ՀՀ պարետի մայիսի 3-ի թիվ 63 որոշմամբ սահմանվել են բոլոր թույլատրված ոլորտների համար գործունեության կազմակերպման պարտադիր կանոններ, որոնք չպահպանելը հանգեցնում է օրենքով սահմանված պատասխանատվության միջոցների կիրառմանը:

Միաժամանակ, ուժեղացվելու է վերահսկողությունը կանոնների պահպանման նկատմամբ։

Մանրամասն ➜

02, մայիս 2020

Տնտեսական սահմանափակումները թուլացնում են, բայց զգոնությունը չենք կորցնում

Տնտեսական սահմանափակումները թուլացնում են, բայց զգոնությունը չենք կորցնում. ՀՀ առողջապահական և աշխատանքի տեսչական մարմինն ակտիվորեն շարունակելու է մշտադիտարկումները:

Առաջին ալիքի «Օրվա հերթապահ» հաղորդաշարի ընթացքում ասել է ՀՀ առողջապահական և աշխատանքի տեսչական մարմնի ղեկավար Հակոբ Ավագյանը:

Մանրամասն ➜

02, մայիս 2020

Մեկ ամսվա ընթացքում ԱԱՏՄ-ն կատարել է 668 մշտադիտարկում

Մեկ ամսվա ընթացքում ՀՀ առողջապահական և աշխատանքի տեսչական մարմինը կատարել է 668 մշտադիտարկում, որի հետևանքով 95 տնտեսվարողի մոտ Պարետի որոշմամբ կիրառվել է գործունեության կասեցում՝ 6 և 24 ժամով:

Արտակարգ դրության պայմաններում աշխատելու թույլտվություն ունեցող տնտեսվարողների մոտ հիմնական խախտումները վերաբերել են աշխատողներին շնչադիմակներով չապահովելուն, ջերմաչափումներ չիրականացնելուն և ախտահանման սահմանված կարգը խախտելուն:

Մանրամասն ➜

01, մայիս 2020

ԱԱՏՄ-ն շնորհավորում է Աշխատանքի օրվա առթիվ` մաղթելով արժանապատիվ եւ գնահատված աշխատանք

ՀՀ Առողջապահական և աշխատանքի տեսչական մարմինը, որպես աշխատավայրում աշխատողների առողջության և անվտանգության նկատմամբ վերահսկողություն իրականացնող պետական լիազոր մարմին, իր ամենօրյա ջանքերն ուղղում է այս գործառույթի պատշաճ իրականացմանը։

Կորոնավիրուսի տարածման պայմաններում ԱԱՏՄ-ն իր ողջ ռեսուրսով եւ ջանքերի գերլարումով մշտադիտարկում է աշխատանքային անվտանգությունը՝ կարեւորելով ամեն աշխատողի առողջության պահպանումը։

Մանրամասն ➜

01, մայիս 2020

ԱԱՏՄ ղեկավար Հակոբ Ավագյանը կարևորում է արհեստակցական միությունների օր առաջ կայացումը

Կայացած արհմիությունների առկայության դեպքում ԱԱՏՄ-ի և տեսչական այլ մարմինների համար ավելի հեշտ և ինստիտուցիոնալ կլինի աշխատանքային իրավունքների նորմերի նկատմամբ վերահսկողությունը։ Մայիսի 1-ի՝ Աշխատանքի օրվա առիթով «Արմենպրես»-ը զրուցել է Առողջապահական և աշխատանքի տեսչական մարմնի ղեկավար Հակոբ Ավագյանի հետ։

-Աշխատավորների օրվա առիթով էլ ում հետ պետք է զրուցենք, եթե ոչ մի կառույցի ղեկավարի, որին, ինչպես հայտնի է, 2021 թվականի հուլիսի 1-ից պետք է վերապահվի գործատուների կողմից աշխատանքային օրենսդրության, աշխատանքային իրավունքի նորմերի, կոլեկտիվ և աշխատանքային պայմանագրերի պահանջների կատարման նկատմամբ պետական վերահսկողություն։

Մանրամասն ➜

01, մայիս 2020

ԱԱՏՄ-ն հայաստանյան Onze evn կարի արտադրությունից որպես նվիրատվություն ստացել է 52 արտահագուստ

Առողջապահական եւ աշխատանքի տեսչական մարմինը հայաստանյան Onze evn կարի արտադրությունից որպես նվիրատվություն ստացել է 52 արտահագուստ՝ կարված հատուկ ԱԱՏՄ սահմանային բժշկասանիտարական հսկիչ կետերի աշխատակիցների համար՝ նախապես վերցված չափերով ու կարիքներին համապատասխան։

Տեղական այս արտադրությունը զբաղվում է բացառապես տղամարդկանց վերնաշապիկներ կարելով։ Դեռեւս ընդամենը 2 աշխատակից ունեցող Onze evn-ը, որն ընդլայնվելու հետագա ծրագրեր ունի, կարեւորելով ԱԱՏՄ աշխատանքը, որոշել է ժամանակավորապես նոր պրոֆիլավորմամբ աշխատել ու կարել է բժշկական արտահագուստ։ Դրանք կտրամադրվեն սահմանային բժշկասանիտարական հսկիչ կետերին՝ որպես համազգեստ։

Մանրամասն ➜

01, մայիս 2020

Արտակարգ իրավիճակում բուժօգնություն կարող են իրականացնել նաեւ համապատասխան մասնագիտացում չունեցող բուժաշխատողներն ու օրդինատորները

ՀՀ խորհրդարանը երկրորդ ընթերցմամբ եւ ամբողջությամբ ընդունել է «Բնակչության բժշկական օգնության եւ սպասարկման մասին» օրենքում փոփոխություն եվ լրացում կատարելու մասին օրենքը։

Ըստ այդմ՝ Հայաստանի Հանրապետությունում բժշկական օգնություն եւ սպասարկում իրականացնողներն իրավունք ունեն ցուցաբերել համապատասխան բժշկական օգնություն եւ սպասարկում ընտրված տեսակների շրջանակներում` Հայաստանի Հանրապետության օրենսդրությամբ սահմանված կարգով լիցենզիա ստանալու դեպքում, բացառաթյամբ որոշ դեպքերի:»:

Մանրամասն ➜

30, ապրիլ 2020

ՀՀ կառավարությունը հաստատել է ԱԱՏՄ կողմից 2020թ․ տարեկան ծրագրով նախատեսված ստուգումների 14 ստուգաթերթերը

Կառավարությունը հաստատել է առողջապահական և աշխատանքի տեսչական մարմնի կողմից 2020թ․ տարեկան ծրագրով նախատեսված ստուգումների 14 ստուգաթերթերը

Ստուգումները լինելու են առողջապահության, աշխատողների առողջության և անվտանգության ապահովման նկատմամբ՝ ռիսկի վրա հիմնված։ Ռիսկերը գնահատվել են նախապես հաստատված մեթոդաբանության համաձայն։

«Պետական կառավարման համակարգի մարմինների մասին» ՀՀ օրենքի 4-րդ հոդվածի 2-րդ մասով նախատեսված են կառավարությանը ենթակա մարմինները, որոնց թվում են նաև ՀՀ օրենքի համաձայն ստուգում իրականացնող տեսչական մարմինները՝ այդ թվում Առողջապահական և աշխատանքի տեսչական մարմինը:

«ՀՀ-ում ստուգումների կազմակերպման և անցկացման մասին» օրենքի 3-րդ հոդվածի 1.1-ին մասի համաձայն՝ բոլոր ստուգումները, բացառությամբ որոշների, անցկացվում են բացառապես ստուգաթերթերի հիման վրա, որոնք հաստատում է ՀՀ կառավարությունը:

Մանրամասն ➜

29, ապրիլ 2020

Խորհրդարանը քննարկում է համաճարակի պայմաններում գործատու-աշխատող իրավահարաբերություններին եւ ԱԱՏՄ լիազորություններն ընդլայնելուն առնչվող նախագիծ

Խորհրդարանն ապրիլի 28-ի իր արտահերթ նիստում առաջին ընթերցմամբ քննարկել եւ ընդունել է ՀՀ կառավարության հեղինակած «ՀՀ աշխատանքային օրենսգրքում լրացումներ եւ փոփոխություններ կատարելու մասին» եւ «Վարչական իրավախախտումների վերաբերյալ ՀՀ օրենսգրքում լրացում կատարելու մասին» օրինագծերի փաթեթը: Հիմնական զեկուցող ՀՀ աշխատանքի եւ սոցիալական հարցերի նախարարի տեղակալ Արման Ուդումյանը նշել է, որ ստեղծված իրավիճակով պայմանավորված անհրաժեշտություն է առաջացել փոփոխություններ իրականացնել Աշխատանքային եւ Վարչական իրավախախտումների վերաբերյալ օրենսգրքերում:

Փոխնախարարի խոսքով` Աշխատանքային օրենսգրքում նախատեսվել են որոշ պարզաբանումներ եւ սահմանումներ, որոնք, ըստ զեկուցողի, կհեշտացնեն համաճարակի պայմաններում գործատու-աշխատող իրավահարաբերությունները:

Նախաձեռնությամբ սահմանվում է հեռավար եղանակով իրականացվող աշխատանքի հասկացությունը, ինչպես նաեւ հեռավար եղանակով աշխատանքների կազմակերպման հնարավորության պարագայում աշխատավարձն ամբողջությամբ վճարելու հնարավորությունը:

Մանրամասն ➜

29, ապրիլ 2020

ԱԱՏՄ լիազորություններն ընդլայնվում են համաճարակի պայմաններում գործատու-աշխատող իրավահարաբերությունների կարգավորման մասով

ՀՀ ազգային ժողովը երկրորդ ընթերցմամբ եւ ամբողջությամբ ընդունել է ՀՀ կառավարության հեղինակած «ՀՀ աշխատանքային օրենսգրքում լրացումներ եւ փոփոխություններ կատարելու մասին» եւ «Վարչական իրավախախտումների վերաբերյալ ՀՀ օրենսգրքում լրացում կատարելու մասին» օրինագծերի փաթեթը:

Հիմնական զեկուցող ՀՀ աշխատանքի եւ սոցիալական հարցերի նախարարի տեղակալ Արման Ուդումյանը նշել է, որ խմբագրական բնույթի առաջարկներ են ներկայացրել խորհրդարանի «Իմ քայլը» եւ «Բարգավաճ Հայաստան» խմբակցությունները. առաջարկների մեծ մասն ընդունվել է:

Նախագծերի փաթեթով, մասնավորապես, Առողջապահական եւ աշխատանքի տեսչական մարմնին արտակարգ դրության պայմաններում իրավունք է վերապահվում գրավոր դիմումների հիման վրա աշխատանքային իրավունքների նկատմամբ իրականացնել վերահսկողություն:

Մանրամասն ➜

29, ապրիլ 2020

Գործունեության նոր կասեցումներ`ԱԱՏՄ արձանագրած խախտումների հիմքով

ՀՀ պարետ, փոխվարչապետ Տիգրան Ավինյանը, հիմնվելով ապրիլի 26-28-ը իրականացված մշտադիտարկումների արդյունքում կազմված արձանագրությունների վրա, որոշել է 24 ժամով արգելել հետևյալ տնտեսվարողներին պատկանող մասնաճյուղերի (հասցեներում իրականացվող) գործունեության ծավալումը՝

1) «Սիթի» ՍՊԸ, ք. Երևան, Գարեգին Նժդեհ 13.

2) «Կալսի Բրազերս» ՍՊԸ, ք. Երևան, Արշակունյաց 44/1.

Մանրամասն ➜

28, ապրիլ 2020

Սահմանային բժշկասանիտարական հսկիչ կետերի աշխատանքներն՝ ուշադրության կենտրոնում

ՀՀ Առողջապահական և աշխատանքի տեսչական մարմնի ղեկավար Հակոբ Ավագյանի հանձնարարությամբ վերջինիս օգնական Աշոտ Ասատրյանը, ԱԱՏՄ «Շիրակ» օդանավակայանի սահմանային բժշկասանիտարական հսկիչ կետի պետ Վահե Անդրյանը, «Զվարթնոց» օդանավակայանի բժիշկ համաճարակաբաններ Հայկ Կարապետյանը և Արման Ավետիսյանն այցելել են սահմանային բժշկասանիտարական հսկիչ կետեր՝ Բագրատաշեն․ Բավրա, Այրում-Ջիլիզա, Գոգավան, Շիրակ։

Աշխատանքային այցի ընթացքում քննարկվել են աշխատանքային ընթացիկ հարցեր, ճշգրտվել են մասնագիտական և անհրաժեշտ պարագաների առկա քանակները։

Մանրամասն ➜

23, ապրիլ 2020

Աշխատանքային անվտանգության ի°նչ նորմերով պետք է աշխատեն այսօրվանից գործող առեւտրի կետերն ու կազմակերպությունները

Կարեւոր մանրամասներ ՀՀ պարետի նոր որոշումից.

Հավելված N 3-ում կատարվել են հետևյալ փոփոխությունները՝

1) 8-րդ կետը լրացնել հետևյալ պարբերությամբ՝

«Այն կազմակերպություններում, որտեղ աշխատանքային տարածքը հնարավորություն չի տալիս պահպանել սոցիալական հեռավորությունը, արտակարգ դրության ժամանակահատվածում պետք է սահմանվի հերթափոխային աշխատանք ՀՀ աշխատանքային օրենսգրքով սահմանված կարգավորումներին համապատասխան:

Մանրամասն ➜

22, ապրիլ 2020

ՀՀ Պարետի նոր որոշումն առնչվում է վարորդներին, մեքենավարներին եւ օդաչուներին

ՀՀ Պարետը նոր որոշում է ընդունել, որն առնչվում է, մասնավորապես, վարորդներին, մեքենավարներին եւ օդաչուներին։ Դրանով փոփոխություն է կատարվել պարետի մարտի 18-ի N 5 որոշման մեջ։

Նոր որոշման մեջ ասվում է.

«Ղեկավարվելով «Հայաստանի Հանրապետությունում արտակարգ դրություն հայտարարելու մասին» Հայաստանի Հանրապետության կառավարության 2020 թվականի մարտի 16-ի թիվ 298-Ն որոշմամբ՝ Պարետի՝ 2020 թվականի մարտի 18- ի` «Հայաստանի Հանրապետություն մուտք գործելիս և Հայաստանի Հանրապետության վարչական սահմաններում կիրառվող սահմանափակումների վերաբերյալ» N 5 որոշումը շարադրել հետևյալ խմբագրությամբ՝ «Ղեկավարվելով Հայաստանի Հանրապետության կառավարության 2020 թվականի մարտի 16 N 298-Ն որոշմամբ՝ սահմանել՝

Մանրամասն ➜

18, ապրիլ 2020

Ո՞վ է պարտավոր տնտեսվարողներին ապահովել ախտահանիչ միջոցներով, դիմակներով, ձեռնոցներով

Աշխատակիցների առողջության և անվտանգության պահպանման համար անհրաժեշտ անհատական պաշտպանության միջոցների տրամադրման պարտականությունը կրում է գործատուն, վերահսկման պարտականությունը` ևս: Աշխատողները նույնպես ունեն պատասխանատվություն՝ ճիշտ կիրառել այդ միջոցները։

ԱԱՏՄ տարածքային ստորաբաժանումների կողմից մշտադիտարկումները եւ իրազեկման աշխատանքները հանրապետությունով մեկ շարունակվում են` կանխելու կորոնավիրուսի հետագա տարածումը։ Դրանք նաև խորհրդատվական բնույթ են կրում, խախտման արձանագրման պարագայում առաջարկում են խնդրի լուծման տարբերակներ:

Մանրամասն ➜

17, ապրիլ 2020

«Էսմիա» դեղի որոշ սերիաների հետկանչի կարգադրագիր է տրվել

ՀՀ առողջապահական եւ աշխատանքի տեսչական մարմնի ղեկավարի կողմից կարգադրագիր է տրվել «Ռիխտեր-լամբրոն» հ/ձ ՍՊ ընկերությանը՝ դեղի շրջանառությունը դադարեցնելու եւ շրջանառությունից հանելու (հետկանչի) մասին։

Տնտեսվարողը պարտավոր է ձեռնարկել համապատասխան միջոցներ՝ «Էսմիա (ուլիպրիստալի ացետատ) 5մգ (28/2x14),(84/6x14) բլիստերում դեղահատեր» դեղի կոնկրետ սերիաների վերաբերյալ՝ ապահովելով ՀՀ-ում նշված դեղի շրջանառության դադարեցում և հետկանչ։

Մանրամասն ➜

11, ապրիլ 2020

Պարետի որոշմամբ վեցժամյա սահմանափակում է կիրառվել որոշ տնտեսվարողների նկատմամբ

ՊԱՐԵՏԻ ՈՐՈՇՈՒՄ

11 ապրիլի, 2020 N 36

Մի շարք տնտեսվարողների նկատմամբ կիրառվող սահմանափակման վերաբերյալ

Ղեկավարվելով Հայաստանի Հանրապետությունում արտակարգ դրություն հայտարարելու մասին Հայաստանի Հանրապետության կառավարության 2020 թվականի մարտի 16-ի №298-Ն որոշման 2-րդ ...

Մանրամասն ➜

09, ապրիլ 2020

Մշտադիտարկում` Ագարակի պղնձամոլիբդենային կոմբինատում

Կորոնավիրուսի տարածումը կանխելու նպատակով ԱԱՏՄ աշխատակիցները շարունակում են մշտադիտարկման աշխատանքները արտակարգ դրության պայմաններում աշխատելու թույլտվություն ունեցող տնտեսվարողների շրջանում: Միաժամանակ, իրազեկման միջոցառումներ են տարվում տասնյակ տնտեսվարողների շրջանում։

Հաշվի առնելով մեծաքանակ աշխատողներ ունենալու հանգամանքը՝ ապրիլի 6-ին, 7-ին և 8-ին ԱԱՏՄ-ն մշտադիտարկման աշխատանքներ է իրականացրել Ագարակի պղնձամոլիբդենային կոմբինատում:

Մանրամասն ➜

08, ապրիլ 2020

ԱԱՏՄ-ն հորդորում է տնտեսվարողներին' խստորեն պահպանել Պարետի ցուցումով հաստատված ուղեցույցի նորմերը

ԱԱՏՄ աշխատակիցներն ակտիվորեն շարունակում են մշտադիտարկման աշխատանքները տնտեսվարողների շրջանում՝ կանխելու կորոնավիրուսի #COVID -19 տարածումը բնակչության շրջանում։ Իրականացվող աշխատանքների վերջնական նպատակը տուգանելը չէ, այլ տնտեսվարողների կողմից խախտումների, խնդիրների կանխարգելումն ու կարգավորում, ինչը բխում է ինչպես աշխատողի, այնպես էլ տնտեսվարողի շահից։

ԱԱՏՄ-ն հորդորում է տնտեսվարողներին' խստորեն պահպանել Պարետի ցուցումով հաստատված ուղեցույցի նորմերը, այն է'

Մանրամասն ➜

07, ապրիլ 2020

ՌԴ-ից վերադարձած ՀՀ քաղաքացիներն ԱԱՏՄ ղեկավարի անմիջական վերահսկողությամբ են անցել սահմանված ընթացակարգերը

Ապրիլի 6-ին և 7-ին «Ռեդ Վինգս» ավիաընկերության Մոսկվա-Երևան երկու չվերթով Հայաստան է վերադարձել ՌԴ-ում գտնվող չորս հարյուրից ավելի ՀՀ քաղաքացի: Սահմանն անցնելուն պես նրանք բոլորը սահմանված կարգով անցել են ջերմաչափում, արտաքին զննում` պարզելու վարակիչ հիվանդություններին բնորոշ կասկածելի ախտանշանների առկայությունը։

Այս աշխատանքներն ընթացել են ՀՀ առողջապահական եւ աշխատանքի տեսչական մարմնի ղեկավար Հակոբ Ավագյանի անմիջական վերահսկողությամբ։

Մանրամասն ➜

06, ապրիլ 2020

300 տնտեսվարողի մոտ դիտարկվել է աշխատողների առողջության պահպանման եւ անվտանգության ապահովման վիճակը

ՀՀ առողջապահական եւ աշխատանքի տեսչական մարմնի աշխատակիցները ակտիվորեն շարունակում են մշտադիտարկման աշխատանքները։

Արձանագրված խախտումները հիմք ընդունելով` ՀՀ պարետի որոշմամբ 6 ժամով գործունեության կասեցման որոշում է կայացվել արդեն 42 տնտեսվարողի նկատմամբ։ ԱԱՏՄ-ն շարունակում է թեժ գծով ստանալ բողոքներ։

Դրանց հիմքով եւ սեփական նախաձեռնությամբ Երեւանում եւ մարզերում շուրջ 300 տնտեսվարողի մոտ դիտարկվել է աշխատողների առողջության պահպանման եւ անվտանգության ապահովման վիճակը։

Մանրամասն ➜

06, ապրիլ 2020

ԱԱՏՄ Բագրատաշենի սահմանային բժիշկներն աշխատում են 24/7 ռեժիմով

Առողջապահական եւ աշխատանքի տեսչական մարմնի Բագրատաշենի սահմանային բժշկասանիտարական հսկիչ կետից հունվարի 24-ից մինչ օրս հոսպիտալացման 41 դեպք է գրանցվել։

Սահմանային անցակետում ուժեղացված վերահսկողության շրջանակում աշխատակիցներն իրականացնում են ընթացիկ աշխատանքներ՝ բեռնատարների վարորդների ջերմաչափում, հասցեական քարտերի լրացում, անհրաժեշտության դեպքում` հոսպիտալացում։ Վերահսկվում են ախտահանման աշխատանքները։

Առաջին գծում մասնագետներն աշխատում են 24/7 ռեժիմով։ Այս անցակետով ներկայում թույլատրված է բեռնատարների ելումուտն ու ՀՀ քաղաքացիների վերադարձը։

Մանրամասն ➜

03, ապրիլ 2020

ԱԱՏՄ-ին նվիրաբերվել է ջերմաչափիչ նոր սարք

ՀՀ առողջապահական և աշխատանքի տեսչական մարմնի և Հայաստանում ՄԱԿ-ի զարգացման ծրագրի գործընկերության շրջանակում վերջինս նվիրաբերել է ջերմաչափիչ նոր սարք, որը համալրել է տեսչական մարմնի տեխնիկական բազան և թույլ է տալիս ջերմաչափել ՀՀ օդային եւ ցամաքային սահմանը հատող ցանկացած անձի։

Նոր ջերմաչափը տեղադրվել է ՀՀ ԱԱՏՄ բժշկասանիտարական հսկիչ կետում` բարելավելու ընթացիկ աշխատանքը։ Այն ապահովում է հեռահար ավտոմատ ջերմաչափում, ինչը թույլ է տալիս պարզել` ՀՀ մուտք գործող ուղեւորահոսքում ջերմող անձ կա՞, թե՞ ոչ։

Մանրամասն ➜

01, ապրիլ 2020

Հայաստանի Հանրապետության տարածքում միջմարզային տեղաշարժերը կտրուկ սահմանափակվելու են

Հ պարետ Տիգրան Ավինյանի գլխավորությամբ տեղի է ունեցել պարետատան հերթական նիստը:

Հայաստանի Հանրապետության տարածքում միջմարզային տեղաշարժերը կտրուկ սահմանափակվելու են: Սահմանափակումների նոր ռեժիմ է մտնում նաև աշխատանքի վայր այցելող անձանց համար, որոնք վաղվանից պետք է ունենան թերթիկներ, որոնցով հավաստվում են նրանց աշխատանքի վայրի վերաբերյալ տվյալները և դա տրվում է գործատուի կողմից:

Ոստիկանական ուժերին ավելացվելու են Ազգային անվտանգության ծառայության, Ռազմական ոստիկանության, Արտակարգ իրավիճակների նախարարության ուժեր, որպեսզի կարողանանք վերահսկողությունը ավելի արդյունավետ դարձնենք:

31, մարտ 2020

Վեց ժամով կասեցվել է Երեւանի եւ Եղեգնաձորի 5 տնտեսվարողի գործունեությունը

ՀՀ Պարետի որոշմամբ՝ վեց ժամով կասեցվել է Երեւանի եւ Եղեգնաձորի 5 տնտեսվարողի գործունեությունը։

Հաստատած ուղեցույցի դրույթները խախտելու պատճառով գործունեության ժամանակավոր կասեցման որոշում կիրառվել է արդեն շուրջ 2 տասնյակ տնտեսվարողի հանդեպ։ Ակտիվ մշտադիտարկումը շարունակվում է։

Կազմակերպությունների կողմից կատարման ենթակա ցուցումները պարունակող ուղեցույցը` ԱԱՏՄ պաշտոնական կայքում՝ http://hlib.am/20.03.2020.html հղումով։ Խախտումների արձանագրման դեպքում կարող են կիրառվել պատասխանատվության միջոցներ։

Առողջապահական եւ աշխատանքի տեսչական մարմնի «Թեժ գիծն» է 8107։

30, մարտ 2020

Սյունիքում վեց ժամով կասեցվել է երկու տնտեսվարողի գործունեությունը

ԱԱՏՄ Արևելյան տարածքային կենտրոնի մշտադիտարկման արդյունքում Սյունիքում վեց ժամով կասեցվել է երկու տնտեսվարողի գործունեությունը։ Տեսչական մարմնի գործողությունները եղել են ըստ պարետի ուղեցույցի։ Մանրամասները՝ տեսանյութում։

29, մարտ 2020

6 ժամով արգելվել է Վանաձորի սուպերմարկետներից մեկի գործունեությունը

Մարտի 29-ին 6 ժամով արգելվել է Վանաձորի սուպերմարկետներից մեկի գործունեությունը՝ «Հայաստանի Հանրապետությունում արտակարգ դրություն հայտարարելու մասին» կառավարության մարտի 16-ի և պարետի մարտի 20-ին ընդունած որոշուման պահանջներտը մասամբ կատարելու հիմքով:

6 ժամ անց ՀՀ առողջապահական և աշխատանքի տեսչական մարմնի հյուսիսային տարածքային կենտրոնի աշխատողների առողջության պահպանության և անվտանգության վերահսկողության բաժնի մասնագետները կրկին կայցելեն մշտադիտարկման. խախտումներ նկատելու դեպքում ավելի երկար ժամանակով սուպերմարկետի գործունեությունը դադարեցնելու միջնորդություն կներկայացնեն:

Մանրամասները՝ «Լոռի» հեռուստաընկերության տեսանյութում:

Էջ  



hlib.am  logo  © 2019